Բենզինային BMW M3-ը չի մեռել. նոր սերնդի նախատիպը որոշել է վերածնվել

BMW-ն դեռ պատրաստ չէ հրաժարվել inline-six-ից։ Չնայած էլեկտրական M3-ը կհայտնվի մի քանի ամսից, M ստորաբաժանումը մշակում է նաև բենզինային սպորտային սեդան 2028 թվականի համար: Միևնույն ժամանակ, նոր լրտեսական տեսանյութը մեզ լավ հնարավորություն է տալիս լսելու նրա ներքին այրման շարժիչի ձայնը:

Նախատիպը դեռևս լավ քողարկված է, բայց այն չի կարելի շփոթել սովորական 3-րդ սերիայի հետ: Լայնացված անակամարներից  պարզ են դարձնում, որ մեքենան լիարժեք M-ը, այլ ոչ արդեն հայտնի M350 xDrive-ը:

Տեսանյութում  նաև երևում է մեքենայի գործարկումը։ Նախատիպը կապոտի տակ  հավանաբար թաքցնում է BMW-ի twin-turbocharged 3.0 լիտրանոց inline-six-ի թարմացված տարբերակը:

BMW-իստները այն գիտեն որպես S58, բայց շարժիչը անփոփոխ չի մնա: BMW-ն խոսում է «վեց մխոցանի շարժիչի նոր տեսակի մասին»: Ոչ, ոչ V6, բայց մեկնաբանությունը շահարկումներ է առաջացրել inline-six-ի մասին՝ որոշակի էլեկտրիֆիկացման նկրտումներով: Բարեբախտաբար, BMW-ն բացառել plug-in հիբրիդային տարբերակը, ինչը հուշում է, որ մեղմ հիբրիդային համակարգ է մշակվում ու դա երևի ունի մեկ պատճառ՝ արտանետումների ավելի խիստ կանոնակարգեր:

BMW-ն վերջերս թարմացրել է այս շարժիչը Եվրոպայում՝ Euro 7-ին համապատասխանելու համար: Այն այժմ ունի M Ignite կոչվող տեխնոլոգիա, որը տեղադրվում է նաև M2-ի և M4-ի վրա: Համակարգն օգտագործում է նախախցիկի բոցավառում, մեկ գլանի համար երկու այրման մոմ և փոփոխվող տուրբինային երկրաչափության տուրբո լիցքավորիչներ՝ արդյունավետությունը բարձրացնելու համար՝ առանց հզորությունը զոհաբերելու: BMW-ն նաև ասում է, որ այս տեխնոլոգիան վեց մխոցանուն ավելի արտահայտիչ ձայն է տալիս ավելի բարձր պտույտների դեպքում:
ԵՄ կանոնակարգերին համապատասխանելու համար հաջորդ M3-ը կարող է մի քայլ առաջ գնալ՝ ավելացնելով 48 վոլտ մեղմ հիբրիդային աջակցություն բենզինային շարժիչին, թեև BMW-ն դա չի հաստատել: Նաև լուրերը ենթադրում են, որ BMW-ն կարող է լիաքարշակ համակարգը դարձնել ստանդարտ հաջորդ բենզինային M3-ի վրա՝ պոտենցիալ կերպով դուրս թողնելով հետևի քարշակը և մեխանիկական փոխանցման տուփը: Ոչինչ պաշտոնական չէ, բայց նման քայլը մեծ շեղում կլինի M3-ի ավանդական բանաձևից, որը հաստատվել է 40 տարի առաջ՝ օրիգինալ E30-ով:

Առնվազն, հատուկ հետևի քարշակով ռեժիմը հուսով ենք կմնա հասանելի, ինչպես ներկայիս M3 Competition xDrive-ի և նույնիսկ նոր M350 xDrive-ի վրա: Այնուամենայնիվ, էնտուզիաստները, ովքեր նախընտրում են երեք ոտնակ և հզորություն, որոնք բացառապես գնում են հետևի անիվներին, գուցե ցանկանան հետևել ներկայիս G80-ին, քանի դեռ այն դեռ հասանելի է: 

Ինչ վերաբերում է նրան, թե ինչ է թաքնված քողարկման տակ, ապա հեռու գնալ պետք չի, հավանաբար այն նման կլինի նոր էլեկտրական M3-ին: Համամասնությունները մի փոքր կտարբերվեն, բայց ընդհանուր ոճը հիմնականում նույնը կլինի ներսից և դրսից: 

Առայժմ, վերջին լրտեսական տեսանյութը հիշեցում է այն մասին, որ BMW-ն դեռ չի հրաժարվում իր վեց մխոցանի M մեքենաներից: Իհարկե Էլեկտրական M3-ը խոստանում է շատ ուժ ու դինամիկա, բայց ևս մեկ մռնչացող, inline-six-ով աշխատող սեդանի հեռանկարը բավական է ներքին այրման շարժիչի հավատարիմներին հետաքրքրելու համար: Ի վերջո, ոչ մի վարորդ-էնտուզիաստ պատրաստ չէ խլացուցիչի մռնչոցը փոխանակել անվադողերի և քամու ձայնի հետ:

Ինչ վերաբերում է գնին, ապա BMW-ն արդեն հայտարարել է, որ M3-ի երկու տեսակները կլինեն «նույն գնային տիրույթում»: Թեև ընկերությունը մանրամասներ չի ներկայացրել։ Չորս քարշակով M3-ը սկսվում է ընդամենը 90,000$-ից: Յուրաքանչյուր նոր սերնդի հետ գների աճը հուշում է, որ հաջորդի գինը կարող է սկսվել արդեն վեցանիշ թվով: Համարժեք վագոնները/ունիվերսալները  մի փոքր ավելի թանկ կլինեն:

Վերջին տարիներին նկատվում է էլեկտրական մեքենաների ներկրման աճ, սակայն ներքին այրման շարժիչով մեքենաները դեռևս գերակշռում են:

BMW M3-ը շարունակում է մնալ ավտոմոբիլային աշխարհի ամենացանկալի մեքենաներից մեկը: Նոր սերնդի M3-ի հայտնվելը թե՛ էլեկտրական, թե՛ բենզինային տարբերակներով, թույլ կտա BMW-ին պահպանել իր դիրքերը շուկայում և գրավել նոր հաճախորդների: Հայաստանում BMW M3-ի նկատմամբ պահանջարկը կշարունակի մնալ բարձր, և նոր մոդելի հայտնվելը կառաջացնի մեծ հետաքրքրություն: